Trece poemas en cada libro,
trece poemas como trece lúas,
como os trece meses do calendario luar.
A lúa, ese ser cambiante que muda a súa cara de espello circular. Señora das mareas, astro da fecundidade. Ritmos lunares para dar medida ao tempo, ao tempo poético.

Este libro invita a ler un poema cada día, ou cada semana, ou cada mes lunar. Despois, pode deixarse repousando nun atril, aberto na ilustración que se desexe, que non é nen máis nen menos, que a lectura que Pedro Proença fixo das palabras do poeta, para deleite dos nosos ollos e da nosa impresión máis persoal.