Que é unha cadeira?
É un cuadrúpedo doméstico con espaleira.
A espaleira diferéncia a doutras especies caseiras, como a cama ou o can. Adoita vivir en pequenos rabaños dentro das casas. Tamén habita en colexios e institutos...

Logo de “Manual de calcetíns salvaxes”, Pablo Prestifilippo bríndanos un informe científico que se remonta ás orixes prehistóricas deste sucedáneo de xirafa e árbore; identifica as partes da súa anatomía e anima ao usuario a “espertar” algún deles... Unha aventura emocionante que o Profesor Roxelio Troncoso -alter ego do autor- experimenta en carne propia, o que lle custa algunha que outra sorpresa.