PREMIO PULITZER (1981)
E MELLOR NOVELA ESTRANXEIRA EN FRANCIA (1981)

Unha gorra verde de cazador comprimía o cocote dunha cabeza gorda coma un globo. As orelleiras verdes -recheas de orellas grandes, cabelo sen cortar e os pelos finiños que crecían nas devanditas orellas- levantábanse para os flancos tal que bandeiriñas de xiro a indicaren dúas direccións simultáneas. Uns beizos carnosos e engurrados nunha carantoña sobresaían por debaixo do mesto bigote negro e ocultábanse nas comisuras en preguiñas cheas de desaprobación e migallas de patacas fritidas. Na sombra proxectada pola viseira verde da gorra, os desdeñosos ollos azuis e amarelos de Ignatius J. Reilly miraban por riba do ombro para as demais persoas que agardaban baixo o reloxo dos grandes almacéns D. H. Holmes, escrutando a multitude...

“A conxura dos necios”, galardoada co Premio Pulitzer de ficción en 1981, é unha das novelas póstumas de John Kennedy Toole. O seu título procede dunha cita do clásico Jonathan Swift: Cando no mundo aparece unverdadeiro xenio, podémolo recoñecer por este signo: que os necios se conxuran todos contra el, da súa obra “Pensamentos sobre diversas materias, tanto morais como amena”.