O País dos Báquiros non está ao norte, como din as xeografías escolares; nin ao sul, como pensan os seus habitantes; nin máis aló das lagoas, como puidera crerse vendo pasar, voando naquela dirección, bandadas de garzas viaxeiras. O País dos Báquiros está pechado nun círculo de selvas virxes, á man dereita do trópico de Capricornio.

Partindo do tinte suxerente que envolve a obra desde o mesmo título, este libro de relatos contribúe a alimentar a imaxinación do lector a base dunha prosa que reborda maxia, expresividade e talento narrativo. A capacidade para evocar mundos propios e estranos, a sutileza coa que se suceden as figuras literarias e o ambiente metafórico que envolve cada historia, é unha invitación á lectura entregada.