“Unha familia normal” é a continuación da serie protagonizada por Xirafa e Crocodilo, que consta dos álbums titulados “Crocodilo namorado”, “Unha casa a medida” e “Unha parella diferente”. Nesta nova entrega Daniela Kulot introduce dous personaxes máis: Croquila e Rafolo, unha pequena xirafa verde e un pequeno crocodilo con manchas marróns. A familia creceu e todos xuntos demostran que non só poden desenvolver unha convivencia perfectamente normal, senón que ademais forman un bo equipo, capaz de salir airoso de calquera peripecia.