 |
 |
Había tempo que
a miña avoa me dicía que un día me levaría
a ver o circo. E por fin onte pola tarde, a avoa e mais eu fomos á
estación: iamos ao circo! A viaxe en tren duraba media hora
ata a cidade. E ás cinco comezaría a función.
No tren sentamos xuntas. Algúns raios de sol coábanse
pola ventá e acariciábannos suavemente...
“Soños de circo”
é a historia dunha dobre viaxe: real e imaxinaria, unha viaxe
de ida a un mundo onde ata o imposible é posible, e unha
viaxe de volta ao mundo presente. Un libro que lles ofrece aos pequenos
lectores a oportunidade de soñar espertos...
As protagonistas emprenden unha aventura ilusionante que acaba converténdose
nun soño fantástico. A obra transpórtanos ao
mundo máxico do espectáculo circense, tan atractivo
para a infancia. Un soño dentro doutro soño, onde
se mesturan malabaristas, pallasos e elefantes feitos de nube, con
artistas e espectadores de carne e óso. Un soño que,
por un momento, tamén se volve pesadelo...
|
