No espazo sideral suceden cousas que na Terra pasan desapercibidas.
Hai planetas de extraña composición, máquinas de tecnoloxía superior e seres que van a todas partes a bordo de cohetes autopropulsados. Astro actúa como guía do lector, descubríndolle os segredos inescrutables do cosmos.
Porque Astro é explorador. Máis aínda, “valente explorador”. Só que ás veces descobre que as cousas fascinantes pasan ao seu redor, non tanto nos confíns do universo. Nembargantes, grazas á súa insaciable curiosidade, sabemos detalles tan interesantes como que o espazo está “moi mal sinalizado”.